Ernest Muçi realizon përsëri me Legian. Skuadra polake fitoi 3-1 miqësoren e radhës kundër Rzeszow. I njëjti rezultat si në suksesin përballë Dinamos së Kievit. Përballje ku shënoi edhe 22-vjeçari shqiptar.
Muçi realizoi një gol të bukur dhe në ndeshjen e sotme. Ishte minuta e 38’,
Legia ndodhej në disavantazh dhe sulmuesi barazoi shifrat. Me një koordinim perfekt. Skemë e zbatuar mirë dhe veprim i bukur teknik i Muçit.
Kjo ishte ndeshja e fundit miqësore. Legia, që ka përforcuar mesfushën me Qëndrim Zybën e ardhur nga Ballkani, sfidon Ruch në datën 9 shkurt.
Për llogari të Ekstraklasa, aty ku kryeqytetasit ndajnë vendin e katërt me Rakow. Objektivi është për t’u rinisur me fitore në transfertën përballë skuadrës së parafundit.
