Pas humbjes ndaj Al Hilal dhe Al Nassr (pa Cristiano Ronaldon në fushë), Inter Miami vazhdoi turneun parasezonal në Azi në Hong Kong.
Stadiumi kombëtar i vendit u mbush me 40 mijë njerëz këtë të shtunë për të parë… një seancë stërvitore të skuadrës së Amerikës së Veriut, ku luan tetë herë fituesi i Topit të Artë, Lionel Messi.
Argjentinasi ishte pa dyshim në fokus të tifozëve të pranishëm në stadium, të cilët shfaqën fanella të shumta të Messit nga Inter Miami dhe kombëtarja e Argjentinës.
Inter Miami do të përballet me ekipin e Hong Kongut të dielën, më 4 shkurt dhe euforia e krijuar rreth Messit ishte më se e dukshme.
