Trajneri i Juventusit Maximiliano Allegri ka pranuar se e ka parë Interi favorit në luftën për titull tash e shumë kohë më parë. Ai konsideron se “Neroazzurrët” janë skuadër me shumë përvojë dhe se këtë e dëshmuan edhe në fitoren 1-0 kundër Juventusit.
“E dinim se ishte një ndeshje e vështirë. Pjesa e parë ishte e ekuilibruar, ata shënuan gol, ne humbëm një me Vlahovicin”, tha trajneri pas ndeshjes.
“Ndeshja u hap pas pushimit dhe ishte më argëtuese për t'u parë gjithashtu, pasi ata janë të rrezikshëm kur shkojnë në kundërsulm. Ne duhet të përmirësohemi, por unë vetëm mund t'i përgëzoj djemtë e mi për atë që bënë.”, shtoi ai.
“Ne nuk prisnim të ishim në këtë pozicion në qershor, pasi Interi dhe Juve po vinin nga fushata shumë të ndryshme. Ne jemi të kënaqur që po bëjmë kaq mirë, të zemëruar për këtë humbje, por gjithmonë kam thënë se Interi ishte favorit për Scudetto-n dhe i qëndroj kësaj”, tha tutje Allegri.
Interi ka 57 pikë në vendin e parë, katër më shumë se Juventusi si dhe kanë një ndeshje më pak të zhvilluar.
