Gjatë intervistës shumë të gjatë të dhënë për Telegraph, ish-trajneri i Tottenham, Chelsea, Juventus dhe Inter, Antonio Conte, foli për metodën e tij si trajner dhe më gjerë:
“E dini, si trajner, më pëlqen të jap një rrugë që duhet të ndjekim.
Sidomos në fillim nuk është e lehtë, nuk është e lehtë për të gjithë, veçanërisht për lojtarët dhe njerëzit që nuk janë mësuar të qëndrojnë të fokusuar, të qëndrojnë në rrugën e duhur, duke luajtur ndeshje që duhen fituar.
“Nuk është e lehtë. Por sapo të hyjnë në këtë rrugë, ata fillojnë të përfitojnë prej saj dhe më pas e pranojnë këtë situatë”.
Marrëdhënia me Kane:
“Pa dyshim për aftësinë e tij për të shënuar, ne po flasim për një futbollist fantastik. Kjo mundësi për të luajtur për Bayern Munich vetëm e ka bërë atë më të mirë.
“Unë besoj se ai kishte nevojë për një ndryshim, për të gjetur një klub tjetër, një mentalitet tjetër, një situatë tjetër. Ishte e rëndësishme për të. Ai meriton të fitojë trofe, po flasim për një nga sulmuesit më të mirë në botë.
“Ai është një nga më të mirët me të cilët kam punuar, pa dyshim. Ai kishte nevojë për përvojë të re, tani ai është një lojtar më i kompletuar”.
“Mendoj se ai është një nga lojtarët më të mirë që kam pasur në karrierën time si trajner, kur ka një sasi të madhe talenti, duhet të bësh pak më shumë se më pak të talentuarit.
“Është thelbësore të japësh një drejtim të saktë dhe nuk është e lehtë nëse dëshiron të fitosh gjithashtu. Nëse dëshiron të argëtohesh, kjo është një gjë tjetër. Por unë argëtohem vetëm nëse fitoj”.
