Dinamo e Zagrebit sonte ka heshtur kritikët e saj me fitoren në Sevilla, me rezultat 1:0 ndaj Betisit, në takimin e parë të së tetës së finales së Conference League.
Futbollisti nga Kosova, Arbër Hoxha, është paraqitur nga minuta e parë në radhët e skuadrës së madhe kroate.
Hoxha është zëvendësuar në minutën e 62-të por që ka treguar angazhim të madh në fushë.
Në minutën e 76-të, kapiteni Bruno Petkoviç ka shënuar nga penalltia për fitoren e dinamovitëve.
Dinamo ishte me fat në minutën e 88-të ku shtylla ia mohoi golin nga gjuajtja e lirë rreth 20 metra e futbollistit Willian Jose.