Larg Real Madridit në kampionat dhe më shumë se në dyshim në stolin e tij, Xavi Hernandez sfidon Napolin me Barcelonën e tij në ndeshjen e parë të 16-shes së Ligës së Kampionëve:
"Ky është skenari i përsosur për të luajtur një ndeshje të madhe sepse ky kompeticion ofron ëndrra, motivim dhe shpresa.
Ne duam të shkojmë në çerekfinale. Por përballemi me Napolin që edhe nëse ka ndryshuar trajnerin në një mënyrë befasuese, do të shtyhet nga tifozët dhe do të dëshirojë të bëjë mirë. Kanë një treshe të rrezikshme sulmuese”.
Xavi nuk ka dashur të shkojë shumë larg në lidhje me diskutimin e kualifikimit: “Ne e fillojmë me 50% shanse për t'u kualifikuar në çerekfinale, jemi të dy skuadrat që fituam kampionatin sezonin e kaluar dhe nëse Napoli nuk po bën mirë në Serie A, edhe ne nuk kemi gjetur qëndrueshmëri.
Duhet ta dëshmojmë në fushë nëse duam të jemi favorit dhe të kalojmë në raundin tjetër, vetëm aty mund të flasim. Kjo ndeshje është shumë e ekuilibruar , por për mua barazimi nuk është një rezultat i mirë. Unë jam rritur me këtë mentalitet te Barcelona, por padyshim që rrethanat duhet të vlerësohen”.
Megjithatë, në fund të sezonit, Xavi do të largohet nga pankina e katalanasve: "Objektivi ynë është të shkojmë në çerekfinale duke filluar të fokusohemi në nëntëdhjetë minutat e para në Napoli.
Njoftimi im për të mos vazhduar këtu u përvetësua mirë, djemtë janë bashkuar dhe duan të japin edhe më shumë.
Lewandowski po tregon se është një lider. Nuk ndihem sikur jam në pyetje tani, as që po luftoj për pozicionin tim, përkundrazi, kam një motivim të jashtëzakonshëm".
