Lautaro Martinez ishte protagonisti i madh në fitoren 4-0 të Interit në Lecce.
I intervistuar nga Dazn pas suksesit në “Via del Mare”, Simone Inzaghi foli kështu për numrin 10 argjentinas, i cili shënoi dy gola dhe arriti në 101 gola në Serie A: “Po bën një udhëtim të jashtëzakonshëm, si Immobile me mua te Lazio”.
“A mund ta arrijë rekordin? Koha do ta tregojë, ai duhet të vazhdojë në këtë mënyrë. Ka shumë ndeshje, sonte isha në dyshim nëse do ta aktivizoja nga minuta e parë apo jo.
“Pastaj, pas ndeshjes kundër Atletico Madridit, Arnautoviq pati disa probleme me disa ethe dhe vendosa të aktivizoja Lautin nga fillimi”.
Rekordin e golave në një kampionat të Serisë A, me njëzet skuadra, aktualisht e mbajnë dy sulmues të mëdhenj, njëri prej të cilëve drejtohej nga Inzaghi te Lazio.
Në fakt, ata janë Ciro Immobile dhe Gonzalo Higuain, të cilët të dy arritën 36 gola në fund të sezonit. Në këtë kampionat, Lautaro deri më tani ka shënuar 22 gola në 23 ndeshje të luajtura.
Interit i kanë mbetur edhe trembëdhjetë ndeshje deri në fund të kampionatit, një numër ndeshjesh që do t’i lejonte argjentinasit, duke ruajtur këtë mesatare, ta arrinte potencialisht këtë rekord.
