Më 5 e 6 mars pritet të mbahet turneu “Adem Jashari” në futsall, ka njoftuar Federata e Futbollit e Kosovës.
Në kuadër të shënimit të Epopesë së UÇK-së, FFK-ja nëpërmjet Komisionit për Futsall, në bashkëpunim me Komunën e Skenderajt do ta organizojë turneun tradicional “Adem Jashari”.
"Ky është edicioni i 15-të me radhë. Edhe sivjet turneu mbahet në palestrën “Ilaz Kodra” në Skenderaj, me pjesëmarrjen e katër ekipeve të Superligës dhe fillon më 5 mars, me ndeshjet gjysmëfinale ndërmjet FC Drenica – FC Liqeni, orën 18:00, dhe FC Mabetex Prishtina – FC Vjosa, në orën 20:00", ka bërë të ditur FFK.
"Ndërkaq ndeshja finale zhvillohet të mërkurën më 6 mars, në orën 20:00, teksa para ndeshjes finale luhet ndeshja revyale Veteranët e Kosovës – Veteranët e Drenicës".
