Hyrja e fondit nga Arabia Saudite, “Public Investment Fund” (PIF), në klubin e Milanit është një mundësi reale dhe brenda një muaji mund të ketë të reja të rëndësishme.
Sporti mbetet një zonë thelbësore për fondin saudit, një gjigant me pasuri 700 miliard dollarë të ardhura nga projektet e lidhura me naftën që ka nisur një fazë të re në strategjinë e tij të investimeve në Evropë.
Në Itali, vëmendja është përqendruar edhe te futbolli, në veçanti te Milani, pas disa takimeve të zhvilluara me pronarin e klubit kuqezi, Gerry Cardinale. Afati i fundit për marrjen e një vendimi është fundi i marsit.
Ndërkohë, në një intervistë të dhënë në mesin e shkurtit Kardinale tha se nuk kishte ndërmend të hiqte dorë nga kontrolli klubit.
Ai përsëriti synimin për të qëndruar gjatë te Milan e për ta ngritur në majën e futbollit italian, duke hedhur poshtë si të pavërtetë çdo lajm që përmendte heqjen dorë nga klubi.
Kardinale ka bërë të ditur edhe se është i hapur për investime arabe sidomos për sa i përket ndërtimit të stadiumit të ri.
