Në Premier League jemi dëshmitarë të një sezoni me Liverpool, City dhe Arsenal në garë për titullin: tre skuadra brenda dy pikëve dhe ndjesia se gjithçka mund të ndodhë realisht nga tani dhe në fund të sezonit.
Situata në anën tjetër të Mançesterit është krejtësisht ndryshe ku Djajtë e Kuq po përjetojnë një sezon të karakterizuar nga shumë ulje-ngritje:
ekipi u eliminua shumë përpara nga Champions League (përfunduan të fundit në grup), jashtë Carabao Cup kundër Newcastle dhe larg vendit të parë në kampionat.
E vetmja mundësi për t’i dhënë kënaqësi tifozëve dhe për ta mbyllur sezonin me një trofe quhet FA Cup edhe nëse pengesa, në çerekfinale, quhet Liverpool.
Në Premier League objektivi është të përfundojmë në vendin e katërt për t’u kualifikuar në edicionin e ardhshëm të Champions League, por edhe ky mision është padyshim i komplikuar.
Ten Hag konsiderohet të jetë fajtori kryesor për këtë situatë dhe, pavarësisht kontratës që skadon në vitin 2025, e ardhmja e trajnerit mund të jetë shumë larg Manchester United.
Sipas asaj që raportoi Daily Mail, në fund të sezonit mund tëvijë shkarkimi i Ten Hag, i cili duket se nuk ka më kontrollin e skuadrës.
Një skuadër me historinë e Manchester United duhet të konkurrojë për objektiva të rëndësishëm (si kombëtar ashtu edhe nga pikëpamja europiane) dhe nuk mund të përballojë një sezon tjetër anonim.
Kjo është arsyeja pse, verën e ardhshme, mund të ketë një revolucion të vërtetë duke filluar nga drejtimi teknik. Thjesht duhet të presim fundin e sezonit për të zbuluar të ardhmen e Ten Hag.
