Thashethemet për të ardhmen e Xabi Alonso nuk ndalen.
Në Gjermani, Bayern Munich është në gatishmëri për atë që ndodh me trajnerin spanjoll. Në Angli tashmë shumë e lidhin me stolin e Liverpool-it. Megjithatë, Peter Crouch ka guxuar t’i japë këshilla mikut të tij Xabi përballë kësaj “breshërie” ofertash.
“Unë mendoj se Xabi Alonso është kandidati më i spikatur për stolin e Liverpool, i pari në listë. Ai ka bërë gjëra të pabesueshme me Bayer Leverkusen, e njeh Liverpoolin nga brenda dhe jashtë”, – tha ish-sulmuesi anglez. Xabi Alonso është në fazën e tij të parë si trajner, karrierë e cila filloi në ekipin rezervë të Real Sociedad.
Në tetor 2022 ai bëri hapin e fundit drejt elitës, duke nënshkruar për Bayer Leverkusen. Rezultatet e tij të shkëlqyera në një kohë kaq të shkurtër kanë bërë që të jetë në agjendat e klubeve të mëdha në Evropë.
“Kam luajtur me të, e njoh personin. Ai është një njeri fantastik. Shumë studioz, gjithmonë bënte pyetje dhe kuptohej se do të bëhej trajner. Do doja shumë të pasonte Jurgen Klopp te Liverpool-i. Vetëm koha do ta tregojë nëse do të ndodhë”.
Për momentin, Xabi vazhdon të triumfojë në Leverkusen. Natyrisht, mund ta shkundë merkaton nga një moment në tjetrin.