Marco Materazzi ka folur në “Gazzetta dello Sport” për ndeshjen Bologna-Inter. Rreth Arnautovic: “Këtu ishte herën e parë tek Interi, mjaft i ri, ne bënim shaka për ta ndihmuar të rritej. Tani është një burrë dhe lojtar i madh, që nuk ka asgjë për të provuar.
Kur e pashë në verë, i thashë ‘mos u shqetëso’ dhe ai buzëqeshi ndaj meje. Dëmtimet e kanë frenuar, por nuk hyn kurrë i thyeshëm në fushë. Në fakt ka qëndrimin e duhur.
Sigurisht që ka dy ‘monstra’ përpara vetes në sulmin zikaltër, por e ka kuptuar rolin e tij. Dhe tani vjen ndeshja e tij kundër Bologna”.
Disa fjalë edhe për Thiago Motta, trajnerin e Bologna: “Thiago është inteligjent, i përgatitur. Ai mund të kishte marrë drejtimin e PSG-së, kishte një rrugë të qartë atje, por donte të fitonte përvojë te Genoa, Spezia dhe tani Bologna. Ai e ndërtoi veten si trajner hap pas hapi dhe shmangu kapërcimet e rrezikshme si Napoli pas titullit.
Edhe kjo tregon se çfare mendje ka, Bologna e tij është po aq e fortë sa ai. Shpresoj të mos shkojë në ndonjë ekip të madh në verë, por të rrijë pak aty në Emilia. Kështu ne vazhdojmë të fitojmë me Inzaghin dhe më pas një ditë, kush e di kur, ai mund të jetë trajneri që do të zërë vendin e Simones”.
