Pas 120 minutash ekuilibër, Polonia arriti të fitojë një vend në finalet e “Euro 2024” duke mposhtur Uellsin me penallti. Mes protagonistëve ishte padyshim Wojciech Szczesny, autor i një pritjeje të vetme, vendimtare, në penalltinë e dhjetë, për rezultatin final 5-4 në favor të kombëtares së drejtuar nga Probierz.
Në fund të ndeshjes, portieri i Juventusit bëri disa deklarata të raportuara nga kanalet zyrtare të UEFA-s: “Është kënaqësi për një portier kur bëhet shpëtimtar te penalltitë, është diçka për të cilën ëndërron, kështu që për mua ishte vërtet mirë.
Jam i lumtur dhe gjithashtu i lehtësuar. Në fund ishim pak nën presion, pastaj kur vjen puna te penalltitë është si ruletë.
Më vjen keq për uellsianët, bënë një lojë shumë të mirë dhe solide”.
Polaku ka zbuluar edhe një sfond interesant mbrëmë: “Duhet ta kishim kaluar pa probleme fazën e grupeve.
Nuk ia dolëm, por sonte e përfunduam punën.
Është e rëndësishme sepse, nëse do ta kishim humbur këtë ndeshje, ndoshta do ta kisha përfunduar karrierën time ndërkombëtare sonte.
Kështu që më duhet të them se kam pasur shumë presion. Unë kam luajtur disa ndeshje të tilla më parë, por është gjithmonë një rast argëtues”.
