Rezultat zhgënjyes për Chelsea-n ndaj skuadrës së fundit të Premier League-s dhe që praktikisht duket e pamundur që të sigurojë mbijetesën: Sheffield Utd.
Dy herë kaluan blutë e Londrës në avantazh, por po kaq herë barazuan vendësit.
Golin e parë të ndeshjes së zhvilluar në “Bramall Lane” e shënoi Thiago Silva në minutën e 11-të në zhvillimet e një këndoreje.
Në të 28-tën barazoi Bogle i asistuar nga Hamer.
Në pjesën e dytë Chelsea mori sërish epërsinë, këtë herë me Madueken.
Mirëpo në minutën e tretë shtesë barazoi McBurnie, pas një rreshtimi të gabuar të mbrojtjes mike.
