Manchester United njoftoi këtë të martë se John Murtough, drejtor futbolli në klub, detyrë të cilën e mbante prej gati 11 vjetësh, do të largohet. Ky është një tjetër ndryshim strukturor që bëhet me bekimin e pronarit të ri të klubit, Jim Ratcliffe.
Sipas “Sky Sports”, Dan Ashworth është në pritje për të marrë këtë rol. Largimi i tij nga Newcastle u njoftua shkurtin e kaluar dhe dy klubeve iu desh vetëm të arrinin një marrëveshje financiare për ta bërë lëvizjen efektive.
Që kur Ratcliffe siguroi pak më shumë se 25% të aksioneve të Man United, është shfaqur mjaft aktiv në bërjen e ndryshimeve brenda klubit.
Në janar, ai punësoi Omar Berradan nga Manchester City për të marrë postin e drejtorit sportiv.
