Gjykata e Apelit të Amsterdamit, duke konfirmuar dënimin e dhënë tashmë në shkallë të parë, pranoi kërkesat e Stefan de Vrij në kuadër të transferimit të famshëm që e pa atë protagonist në verën e 2018-ës.
Qendërmbrojtësi holandez, në fakt, u mor nga Interi me kosto zero lirë pasi i skadoi kontrata me Lazion.
Gjykata holandeze, konkretisht, vendosi se agjencia e njohur sportive SEG (Sports Entertainment Group) do t’i duhet të paguajë një dëmshpërblim të barabartë me 5.2 milionë euro për qendërmbrojtësin në pronësi të Interit.
Një dënim që modifikon pak atë të lëshuar në shkallë të parë, e cila i kishte caktuar shumën për t’i paguar lojtarit 4.75 milionë euro, por që në thelb konfirmon arsyet e lojtarit.
SEG, siç shpjegohet nga ‘Telegraaf’ në Holandë, do të duhet të kompensojë de Vrij se nuk e ka njoftuar lojtarin për shumën e marrë nga Interi në formën e komisioneve për ndërmjetësimin e marrëveshjes pa kosto me zikaltrit, pavarësisht se ishte e detyruar ta bënte këtë.
Ka pak dobi teza e mbrojtjes e paraqitur nga agjencia e njohur, sipas së cilës detyrimi nuk duhej të vinte për shkak se nuk kishte asistuar drejtpërdrejt de Vrij, por Interi.
Gjykata, megjithatë, dekretoi se – në dritën e një marrëveshjeje të njohur me ligj dhe të përcaktuar midis dy palëve – SEG kishte detyrimin t’i komunikonte de Vrij interesat e saj ekonomike, të barabarta me rreth 9.5 milionë euro komisione për qëllime transferimin e mbrojtësit te zikaltrit.
Duke shkelur këtë rregull, për mos komunikimin e shumës, agjencia do të duhet të dëmshpërblejë lojtarin për dëmet e vlerësuara në 5.2 milionë euro.
