Baras në Londër
Spektakël futbolli në stadiumin “Santiago Bernabeu” në Madrid.
Përballja mes skuadrave më të mira në Evropë, Real Madrid dhe Manchester Cityt, ka përfunduar baras (3:3) në takimin e parë të çerekfinales së Champions League.
Sfidë e çmendur dhe me përmbysje të rezultatit, 0:1, 2:1, 2:3 dhe 3:3.
Real - Manchester City 3:3
Shënues: Dias (12' - autogol), Rodrygo (14'), Valverde (79') - Bernardo Silva (2'), Foden (66'), Gvardiol (71').
Kartona të Verdhë:Tchouameni, Carvajal - Akanji, Silva.
Real: Lunin, Carvajal, Rüdiger, Tchouameni, F. Mendy, Camavinga, Kroos (Modriç 72'), Fede Valverde, Bellingham, Rodrygo (Diaz 71') dhe Vinicius Junior (Joselu 86').
Manchester City: Ortega Moreno, Akanji, Ruben Dias, Stones, Gvardiol, Rodri, Foden (Alvarez 87'), Bernardo Silva, Kovaçiç, Grealish dhe Haaland.
Arsenal - Bayerni 2:2
Shënues: Saka (12'), Trossard 76') - Gnabry (18'), Kane (32' - nga penalltia).
Kartona të verdhë: Davies, Kane - Partey..
Arsenali: Raya, White, Saliba, Gabriel, Kiwior (Zinchenko 46'), Jorginho (Gabriel Jesus 67'), Ödegaard, Rice, Saka, Havertz (Partey 86') dhe Gabriel Martinelli (Trossard 66').
Bayerni: Neuer, Kimmich, de Ligt, Dier, Davies, Laimer, Goretzka, L. Sane (Coman 66'), Musiala, Gnabry (Guerreiro 70') dhe Kane.
Padyshim se ishte një finale para finales!
Në minutën e 2-të, City kaloi në epërsi. Bernardo Silva nga gjuajtja e lirë rreth 18-19 metra shënoi në këndin e poshtëm të djathtë, 0:1.
Gëzimi qe jetëshkurtër për kampionin në fuqi të Evropës. Rezultati u barazua në minutën e 12-të. Eduardo Camavinga nga rreth 20 metra goditi fuqishëm dhe topi i devijuar nga Dias mashtroi portierin, 1:1.
Në minutën e 14-të, Real zgjohet nga gjumi! Rodrygo shënoi për 2:1.
Ai me gjakftohtësi plasoi topin përreth këmbës së portierit, 2:1.
Në minutën e 56-të, fat për Manchester Cityn, Vinicius në një pozitë ideale gjuan mbi portë.
Në minutën e 66-të, Foden ka dërguar një projektil nga 17 metra e në këndin e djathtë dhe e pakapshme për portierin e Realit, Lunin, 2:2.
Në minutën e 71-të, Gvardiol nga rreth 20 metra me të majtën shënoi në këndin e majtë, supergol dhe në anën tjetër tronditet Reali.
Në minutën e 79-të, Valverde me goditje të fuqishme e përtoke nga rreth 11 -12 e la të shtangur portierin e Cityt, 3:3.
Ballafaqim me rivalitet të madh është zhvillua mes Arsenalit dhe Bayernit, me përmbysje të rezultatit.
Në minutën e 12-të, Saka kaloi në epërsi Arsenalin por pas 6 minutave (18') Gnabry ka barazuar shifrat 1:1.
Në 32-të, Harry Kane nga penalltia kaloi në epërsi (1:2) Bayernin.
Zëvendësuesi Trossard në minutën e 76-të ka barazuar rezultatin 2:2 në duel me Bayernin.
Ndeshjet e kthimit priten me padurim në Manchester e në Munih.