Një tjetër yll po i rritet Shqipërisë në Serie A, trajneri i ri i besoi kundër Milanit!
Një tjetër yll po i rritet Shqipërisë në Serinë A. Këtë herë bëhet fjalë për kapitenin e Shpresave, për Medon Berishën.
Ky i fundit ka qëndruar në stol për gjatë gjithë sezonit pasi bëri kalimin nga ekipi i të rinjëve te ekipi i parë i Lecce.
Por me largimin e trajnerit D’Aversa dhe afrimin e trajnerit të ri Luca Gotti, ka ndryshuar edhe situata për Medonin.
“Ai ka pasur pak hapësirë më parë, por mua më pëlqen shumë”, u shpreh Goti për Berishën para ndeshjes Lecce-Roma.
Në përballjen kundër Milanit, 20-vjeçari do të hidhej në fushë në minutën e 77.
Sipas asaj që raportohet nga mediat italiane, pritet që lojtari i Shqipërisë të aktivizohet më tepër në ndeshjet e ardhshme.
