Ish-trajneri i Dinamos, Luigi Di Biagio, i impenjuar në Paris në turneun e padelit, “LPL Paris Cup – Road to Dubai”, kanë folur për Milan-Roma në prag të ndeshjes dhe jo vetëm. Ish-mesfushori verdhekuq do të jenë të pranishëm në Meazza për të parë çerekfinalen e Europa League.
Këto janë në fakt ndjenjat e Di Biagio-s për ndeshjen: "Unë dhe Vicenti(Vincent Candela) do të shkojmë në Milano për të parë një ndeshje të madhe.
Do të donim që Roma të kalonte, por nuk e shoh kaq të thjeshtë. Në fakt, unë shoh Milanin si të avantazhuar për një sërë arsyesh, mbi të gjitha për historinë”.
Më pas për trajnerin e Romës, De Rossi - “Shpresojmë që ai të mos vijë më të luajë padel, sepse do të thotë se do të ketë rinovuar me Romën, por ne jemi mirë me këtë.
Shpresojmë që ai të qëndrojë, në rastin më të keq do të ketë shumë mundësi të tjera për trajner. Roma në Champions League? Mund ta bëjë këtë.
Dybala është teknikë e pastër, Leao ka forcë dhe shpejtësi".
