Trajneri i Bayer Leverkusenit, Xabi Alonso, pranon se është një “mendim i mirë” të menaxhosh në Premierligë një ditë, pavarësisht se ka refuzuar interesin e transferimit të Liverpoolit.
Spanjolli ishte një objektiv kryesor si për Liverpoolin ashtu edhe për Bayern Munichun, të dy do të jenë pa trajner këtë verë me largimin e Jurgen Kloppit dhe Thomas Tuchelit respektivisht - por vendosi të qëndrojë në Leverkusen, i cili synon të fitojë tre trofe këtë sezon.
Ndërsa 42-vjeçari është i përqendruar te skuadra gjermane, ai la të kuptohet se drejtimi në Premierligë në të ardhmen është një mundësi e veçantë, ndërsa shikon përpara ndeshjen e tyre çerekfinale të Ligës së Evropës kundër West Hamit të enjten.
I pyetur për rikthimin në Angli, këtë herë si trajner, ish-mesfushori i Liverpoolit u përgjigj:
“Nuk e dini kurrë - për momentin kam mjaftueshëm në pjatë për të menduar, por unë jam ende i ri si trajner dhe sigurisht që është një (mendim) i bukur.
Unë flas rregullisht me disa kolegë që trajnojnë në Premierligë dhe ata e dinë se çdo ndeshje është vërtet e vështirë për t’u përgatitur dhe për të luajtur.
Është një garë shumë emocionuese me kaq shumë lojtarë, trajnerë, klube të mëdha, stadiumet - dhe West Ham është një prej tyre.
Ne do t’i ndeshemi nesër (e enjte) me shumë respekt, por me emocione të mëdha që kemi një shans të madh për të kaluar dhe për të vazhduar në një sezon të shkëlqyer gjithashtu”..
