Dinamo pas barazimit me Kukësit ka kthyer vëmendjen te dueli me Erzenin.
“Blutë” prej ditësh zhvillojnë përgatitjet për këtë sfidë që do të luhet ditën e dielë në orën 18:00 në “Air AAlbania”.
Ekipi i Dritan Mehmetit do të kërkojë fitoren për të “blinduar” vendin e 4-të në tabelën e klasifikimit, pozicion që të mban në “Final Four”.
Nuk do të jetë aspak e lehtë përballë shijakasve që javën e kaluar triumfuan ndaj Egnatias kryesuese duke mbajtur gjallë “shpresat” për qëndrimin në Superiore.
Ndërkohë formacioni i “Nëndetëses” mbetet pezull për shkak të Luis Kaçorrit.
Sulmuesi i është bashkuar pjesës tjetër të skuadrës në stërvitje, pas dëmtimit që mori me Skënderbeun.
Pavarësisht se ka qenë pjesë e grupit ende gjendja e lojtarit nuk është 100% e duhura dhe kjo bën që Mehmeti të jetë i pavendosur sa ii takon 11-tëshes startuese. Mbetet të shihet deri ditën e dielë, nëse ish-lojtari i Bylisit do t’ia dalë të jetë titullarë apo do të duhet të ulet në stol..
