Futbollisti i Juventusit, Giorgio Chiellini, ankohet se janë dëmtuar për një gol të anuluar në përballje me Atalantën, e cila përfundoi baras (2:2). “Më mirë të mos komentoj, unë e di se në gjaknxehtësi mund të thuash gjëra të pakuptimta. Megjithatë, nuk mendoj se është më e mirë heshtja në kësi rastesh.
Sigurisht që jemi ndëshkuar, nuk jam në gjendje të mirë”, tha Chiellini, i cili analizoi golin e anuluar të Mandzukic, me ndihmën e VAR: “Mendimin tim për këtë, më mirë nuk po e them. Sigurisht, nuk ishim me fat. Na barazoi Atalanta, por kemi merituar për të fituar. Kemi humbur dy pikë, të cilat do të shohim për t’i marrë diku tjetër”.
