Ylli xhamajkan i atletikës, Usain Bolt, ka filluar karrierën e tij si futbollist me skuadrën nga Australia, Mariners.
Rekordmeni sprinter ka shprehur qysh moti se ëndrra e tij është të zhvilloj një karrierë në futboll.
Bolt po stërvitet me skuadrën e Central Coast Mariners. Në ndeshjen e parë ai ishte lënë në bankën rezervë. Skuadra pati paraqitje të mirë duke shkuar në epërsi prej tri golave në vetëm 14 minuta.
Usain Bolt u inkuadrua në lojë në minutën e 72 dhe pati disa depërtime të mira nga krahu i majtë.
Coast Mariners fituan me rezultat 6:1 dhe ky duket të jetë një start fenomenal për 32 vjeçarin.