Është e pabesueshme, dje sa shpejt u shitën biletat apo në kohë rekorde! Mbi 11 mijë bileta u shiten për ndeshjen Kosovë - Ishujt Faroe, pothuajse për gjysmë ore! Rekord apo jo! "Federata e Futbollit e Kosovësi lëshoi në shitje biletat per ndeshjen Kosova-Ishujt Faroe, e cila zhvillohet të hënën në kuadër të Ligës së Evropës. Por, ato u ‘avulluan’ aq shpejt sa që nuk pata mundësi ta blej një të tillë. Ndonëse pas një përvoje më shumë se 20-vjeçare si gazetar i sportit, mbeta pa biletë, pasi më nuk jam pjesë e medieve, u ndjeva shumë keq që nuk do të mund të jem në tribuna.
Bekim Aliu
Kam përcjellë me mija ndeshje në secilin sport, përfshirë edhe futbollin, teksa si gazetar, në borë e në shi, madje vetëm në praninë e gazetarëve, pasi shikuesit mërdhinin dhe nuk vinin për ta përcjellë ndeshjen, unë bashkë me kolegët e mi, përcollëm shumë ndeshje futbolli nëpër ara e fusha të improvizuara si në Dumnicë, Kçiq, Malishevë, Raushiq …
E sot, nuk më ka mbetur asgjë tjetër, pos t’i ‘kurdisem’ televizorit dhe ta përcjell përfaqësuesen e Kosovës në ekran, jo aty ku do të duhej të isha, në tribunë.
Kjo është Kosova jonë, unë nuk mund ta ndryshoj.
Paqim fat, përpara Kosova ime!", shkruan Bekim Aliu.