Klubi katalanas ka vendosur të bëjë ndryshime në logo.
Duke filluar nga sezoni i ardhshëm logo e Barcelonës do të pësojë ndryshime.
Megjithëse është ende në pritje të konfirmimit nga antarësia e klubit Barcelona e ka publikuar si fakt të kryer logon e saj të re.
Ndryshimet edhe pse janë minimale, vihen re me lehtësi tek logo e re, pasi mungon shkrimi “FCB”.
Ndryshimet e tjera janë më delikate dhe përfshijnë heqjen e vijave të zeza brenda stemës, reduktimin e vijave “blaugrana” nga shtatë deri në pesë, ndriçimi i disa prej ngjyrave dhe topi do të jetë më i dukshëm.
Nëse aprovohet, do të jetë hera e parë që Barcelona e ndryshon logon e saj që nga viti 2002.
Gjithashtu, do të jetë hera e parë që nga viti 1910, që “CFB” dhe “FCB” nuk figurojnë në stemën e klubit.
