Llapi nga Podujeva tronditet nga Ballkani i Therandës, në ndeshjen e javës së 13-të të elitës së futbollit, që u zhvillua në stadiumin “Zahir Pajaziti”. Për llapjanët është një humbje rëndë, sepse e lë më larg synimit për titullin e kampionit. Në minutën e 71-të, Durim Gashi siguroi fitoren e Ballkanit.
Llapi renditet në pozitën e tretë me 23 pikë, kurse Ballkani është i teti me 18 sosh.
Gjilani para shikuesve të vet shënoi fitore me rezultat 2:0 ndaj të fundosurit KEK-ut nga Kastrioti. Wilber Perez shënoi në minutën e 33-të dhe Vilfor Hysa në atë të 85-të shënuan për fitoren e Gjilanit. KEK-u është i fundit me 1 pikë, kurse Gjilani është i pesti me 20.
