Twitter ndonjëherë bëhet një vend shumë i çuditshëm – një platformë për opinione, shaka, diskutime, dhe ndonjëherë baste.
Llogaria zyrtare e Bundesliga-s ka sfiduar llogarinë zyrtare të Borussia Munchengladbach në Twitter.
Bundesliga i ka thënë se mund të fitojnë titullin që tani nëse marrin 50 milionë “retweet-e” për një nga postimet e tyre.
Gladbach aktualisht është në vend të dytë të kampionatit gjerman (katër pikë më pak se Borussia Dortmund) dhe po luftojnë për titullin e gjashtë në historinë e klubit.
Klubi është shprehur se sfida është tepër e paarritshme, por e ka pranuar gjithsesi.
