Rekomandime nga Shtabi i Krizës ndërkomunal për rajonin e Gostivarit

Gostivari

Rekomandime nga Shtabi i Krizës ndërkomunal për rajonin e Gostivarit

Më: 24 gusht 2021 Në ora: 15:11
Foto ilustrim

Situata me pandeminë në rajonin e Gostivarit është serioze, por nën kontroll. Ky vlerësim është një nga përfundimet pas takimit të jashtëzakonshëm të shtabit ndër-komunal të krizës për rajonin e Gostivarit.

“Në takim, përfaqësues të stacionit policor, spitalit dhe qendrës shëndetësore përcollën informacion nga departamentet e tyre në lidhje me situatën.

Në Spitalin e Përgjithshëm të Gostivarit, kapaciteti për pritjen e pacientëve është pothuajse i plotë dhe sot ishin 103 pacientë me COVID-19 për trajtim, nga të cilët 63 janë në mbështetje të oksigjenit.

Të gjithë punonjësit e shëndetësisë janë mobilizuar në institucion dhe tani për tani nuk ka nevojë për angazhim shtesë. Sipas të dhënave të qendrës shëndetësore, mbi 30.000 persona janë vaksinuar deri më sot.

“Sipas asaj që u tha në takim, ne arritëm në një përfundim me katër pika: E para është vlerësimi se situata është serioze, por nën kontroll. Së dyti, u bëjmë thirrje qytetarëve që t’iu përmbahen rekomandimeve të institucioneve për zbatimin e masave mbrojtëse. E treta është që qytetarët të vaksinohen, sepse kjo është mbrojtja më e mirë tani për tani, ndërsa pika e katërt e fundit është se vetëqeverisja lokale vë në dispozicion kapacitetet e saj për organizimin e pikave të reja të vaksinimit”, tha kryetari i Gostivarit Arben Taravari.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat