Ekipi i Mokra Gorës nga Zubin Potoku në hendboll (meshkuj), vazhdon garat ilegale në Superligën B të Serbisë, grupi Lindje - Perëndim. Përveç Mokra Gorës edhe Trepça luan në ligën e parë serbe në grupin e Perëndimit.
Skandalet vazhdojnë! Këto klube si Mokra Gora dhe Trepça fantome zhvillojnë aktivitetin në tokën e shtetit të Kosovës dhe si vendas luajnë në Zubin Potok dhe në një pjesë të Mitrovicës, pa u penguar nga askush!
“Mokra Gora e filloi me fitore kundër Vranjes pjesën e dytë të kampionatit! Vranja 1957, në raundin e 12-të të Superligës B Lindje-Perëndim, pësoi humbje me 28:32 (14:20) nga Mokra Gora.
Udhëtuesit nga Kosova dhe Metohija krijuan avantazhin në pjesën e parë të lojës, kështu që ishte e vështirë për nikoqirët të arrinin që ta shkrinin epërsinë e rivalit”, shkruan mes të tjera “Rukomet Zurnal”.
Deri kur do të lejojmë që Mokra Gora dhe Trepça fantome të zhvillojnë garat ilegale në shtetin e Kosovës. Klube që punojnë me program të Serbisë dhe nuk i njohin institucionet e Republikës së Kosovës, duhet sa më shpejt të ndalen këto aktivitete.
