Sllovakia e ka shënuar edhe fitoren e dytë në Kampionatin Evropian U19 për hendbolliste që po mbahet në Prishtinë.
Të dielen pasdite në Pallatin e Rinisë, Sllovakia fitoi ndaj Britanisë së Madhe me rezultat 25:14. Dora Csernyanszky shënoi 8 gola për Sllovakinë, kurse 16 pritje i kishte Simona Tomovcikova.
Heidi Jane Warren dhe Chloe Rebecca Barnard i shënuan nga tri gola për Britaninë e Madhe.
Në kuadër të Grupit A, Sllovakia të shtunën fitoi ndaj Kosovës, ndërsa Britania e Madhe pësoi nga Finlanda.