Nis festa për 11 vjetorin e shtetësisë - Bota Sot
Nis festa për 11 vjetorin e shtetësisë

Kosova

Nis festa për 11 vjetorin e shtetësisë

Më: 15 shkurt 2019 Në ora: 20:14
Foto ilustrim

Që nga dita e premte sheshet e Prishtinës kanë filluar të mbushen me famujt shtetëror. Shitësit ambulantë kanë ekspozuar tashmë produktet e tyre. E të gjitha lidhen me festën e Kosovës për 11 vjetorin e shtetësisë.

Edhe simboli i pavarësisë së vendit, New Borni ka marrë pamje tjetër.

Si çdo 17 Shkurt, ai edhe kësaj radhe do të paraqitet ndryshe.

Festa më herët ka filluar edhe në kafiteritë e Prishtinës.

Këtë vit shumë nga këto lokale kanë falënderuar shtetet që kanë njohur Kosovën si shtet.

Pankartat para hyrjes së tyre thonë “faleminderit, miku yt” në gjuhën e vendit të cilit i shprehin mirënjohjen.

Për nder të përvjetorit të 11 të Pavarësisë, qytetarëve të Kosovës po u ofrohet një ndjesi festive edhe nga organet shtetërore.

Kështu, gjithçka fillon më 16 shkurt, kur nëpër 7 qendrat kryesore të vendit do të ekspozohet Deklarata e Pavarësisë.

Edhe këtë vit do të bëhen nderime nga udhëheqësit shtetëror për ata që humbën jetën gjatë luftës.

Përveç kësaj Forca e Sigurisë së Kosovës, për herë të parë do të parakalojë si ushtri.

Ndërkaq, ndryshe nga vitet tjera, këtë vit do të organizohet një tryezë e hapur për qytetarët në sheshin Skënderbeu.

Ndërkaq, tashmë në sheshin Adem Jashari kanë filluar përgatitjet për Tregun e Pavarësisë.

E gjithë ky organizim pritet t’i kushtojë buxhetit të Kosovës 500 mijë euro.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...