Një mërgimtar që erdhi nga Zvicra, nuk u nda mirë kur e takoi një drejtor të komunës së Istogut. E rrahu zyrtarin e vet përfundoi në pranga.
Drejtori i Shërbimeve Publike në komunën e Istogut Enver Rugova në parkingun e institucionit ku punon ai u sulmua nga bashkëvendasi i tij Fatmir Shala.
“Më goditi befasisht”, tregon Rugova derisa thotë se me të njëjtin ishin takuar edhe më parë.
E gjithë kjo kishte ndodhur pasi i dyshuari kishte bërë kërkesë për subvencione për gypat e kanalizimit ku sipas Rugovës ai i donte më të mëdha sesa ato që i ndante komuna.
Derisa i dyshuari është në mbajtje familjarët e tij thonë se janë tronditur nga ajo që ka ndodhur derisa shtojnë se kishin telashe me një përrockë si pasojë e vërshimeve.
I arrestuari ka pak ditë që kishte ardhur nga Zvicra ndaj babai i tij sqaron se nuk kane asgjë personale me zyrtarin komunal që është vëllai i deputetit të lidhjes Demokratike të Kosovës, Naser Rugovës.
Sipas Prokurorisë së Pejës i dyshuari është ndaluar për 48 orë por që organi i akuzës do të bëjë kërkesë në Gjykatë për masën e paraburgimit.
