Në Kosovë universitetet dhe kolegjet private çdo vit po përgatisin kuadro të reja për profesione të ndryshme.
Por ky aftësim i kuadrave nuk po shpërblehet me punë pas përfundimit të fakultetit.
Sipas statistikave të nxjerra nga ‘ASK’, në vitin 2018-të në Kosovë 95 mijë e 890 persona kërkuan punë.
Nga kjo shifër, 10 mijë e 787 persona ishin me fakultet të përfunduar, ndërsa 696 kishin të përfunduar edhe masterin.
Ndërsa, 22 mijë e 3 persona ishin të pa shkolluar që kanë kërkuar punë vitin e kaluar.
Me shkollë fillore, 24 mijë e 306 persona, ndërsa me të mesme 38 mijë e 98 persona.
Nëse e krahasojmë me vitin 2012, numri i punëkërkuesve ka shënuar rënie. Para 9 vitesh numri i personave që kërkonin punë ishte 259 mijë e 338 persona.
Por ajo që është shqetësues është se numri i punëkërkuesve me fakultet të kryer po rritet nga viti në vit.