Drenasi po sfidohet me zjarre, pas xhamisë digjen edhe male

Kosova

Drenasi po sfidohet me zjarre, pas xhamisë digjen edhe male

Më: 19 prill 2020 Në ora: 23:56
Foto ilustrim

Male në Komunën e Drenasit janë përfshirë nga zjarret. Nëpërmjet një shkrimi në Facebook, kryetari i komunës Ramiz Lladrovci ka kërkuar nga qytetarët që të mos u vën zjarrin pyjeve.

“Gjendja e pandemisë, është një fatkeqësi e cila na ka goditur, andaj nuk kemi nevojë edhe për goditjet tjera. Zjarrin e shkaktojnë keqbërësit. Mos u bëni keqbërës. Mos ndiz zjarr në natyrë!”, shkroi ai në Facebook.

Njoftimi i plotë:

Apel!

Ftoj qytetarët e komunës së Drenasit, të mos ndezin zjarre në ambiente të hapura. Pyjet e komunës tonë, këtë vit janë duke u djegur përtej çdo parashikimi.

Kërkoj nga qytetarët, udhëheqësit e fshatrave, kryefamiljarët, mësuesit, arsimtarët dhe intelektualët, si dhe të gjithë personalitetet e komunës tonë me ndikim në vendbanimet e tyre, të ndikojnë për vetëdijesimin e bashkëqytetarëve tanë, për rrezikun nga zjarret.

Gjendja e pandemisë, është një fatkeqësi e cila na ka goditur, andaj nuk kemi nevojë edhe për goditjet tjera.

Falënderoj zjarrfikësit, institucionet e nivelit lokal si dhe organet e rendit për kontributin e secilit për luftimin e vatrave të zjarrit.

Zjarrin e shkaktojnë keqbërësit. Mos u bëni keqbërës. Mos ndiz zjarr në natyrë!

Image

 

commentFirst article
Sot mund të lexoni Shfletoni kopertinat