Në Komunën e Rahovecit, ka rezultuar dy raste të reja me koronavirus.
Mirëpo, Kryetari i Rahovecit, Smajl Latifi thotë se, dy të prekurit me koronavirus janë në hemodializë.
“Gjendjen e kemi nën kontroll dhe po shkojmë drejt fundit të përballjes me Pandeminë COVID-19”, shkruan Latifi në Facebook.
Postimi në Facebook:
Të nderuar qytetarë,
Nga 16 të testuarit në Laboratorin e Mikrobiologjisë Molekulare në IKSHP për COVID 19 (15 pacientë në hemodializë) nga komuna e Rahovecit, dy prej tyre kanë rezoltuar POZITIV.
Po ju njoftoj se dy të infektuarit me COVID-19, janë pacientë në hemodializë nga qyteti i Rahovecit.
Tashmë të gjithë pacientët në hemodializë janë testuar.
Gjithashtu, infermierja nga Kramaviku, e cila ka punuar në Spitalin Amerikan në Prishtinë, përsëri ka rezultuar NEGATIV dhe tashmë është e shëruar nga COVID-19.
Për fund, gjendjen e kemi nën kontroll dhe po shkojmë drejt fundit të përballjes me Pandeminë COVID-19.
#RRINËSHTËPI
SL
