Kryeministri Avdullah Hoti ka treguar se Letnica e Karadakut të Shkupit kremton një festë të veçantë e të rëndësishme për besimtarët katolikë të Kosovës, të Ngjiturit e Zojës së Bekuar në Qiell.
Hoti ka thënë se ky vend dhe ajo kishë janë fort të lidhura edhe me jetën dhe veprën e Nënë Terezës, e cila në vitet e saja të rinisë vinte këmbë nga Shkupi si pelegrine, pikërisht për këtë festë.
“Iu uroj besimtarëve të krishterë këtë festë të bekuar e plot hire në familjet e tyre”.
“Ndjehem keq që kjo festë, si dhe shumë festa tjera këtë vit në Kosovë, nuk e patën hijeshinë që meritojnë, për shkak të rrethanave të vështira që po jetojmë”.
“Lutem që e ardhmja të na sjellë më shumë shpresë e shëndet për të gjithë”.
