Pas reshjeve të vazhdueshme të borës, qytetarët mbrëmë kanë raportuar për vështirësi në qarkullim, ndërsa sot në orët e mëngjesit është raportuar se magjistralja Pejë-Prishtinë është e kalueshme, megjithëse kërkohet kujdes i shtuar.
Në këtë magjistrale raportohet për kolona për shkak të kujdesit të shtuar të drejtuesve të automjeteve në mënyrë që të evitohen aksidentet e mundshme.
MI bën thirrje për kujdes të shtuar nga të gjithë shoferët gjatë vozitjes, në përputhje me rregullat e komunikacionit dhe kushtet atmosferike.
Përkundër angazhimit maksimal të 14 kompanive në 7 regjione dhe atyre që përkujdesen për autostradat, reshjet e vazhdueshme, shkaktojnë prezencë të borës në rrugë andaj luteni që të përshtatni shpejtësinë dhe të mbani distancën e duhur mes automjeteve gjatë lëvizjes.
