IHMK paralajmëroi vërshime të shpejta, eksperti i emergjencave tregon çfarë janë ato
Instituti Hidrometeorologjik i Kosovës ka paralajmëruar se sot ka rrezik të vërshimeve të shpejta në disa pjesë të Kosovës.
Lidhur me këtë çështje është deklaruar eksperti i emergjencave, Tahir Ahmeti.
Ai përmes një postimi në “Facebook”, ka thënë se vërshimet e shpejta përfshijnë territore të caktuara dhe kalojnë shpejtë.
“Vërshimet e shpejta përfshijnë territore të caktuara dhe kalojnë shpejt, kryesisht ndodhin në lumenjtë ose përroskat e vogla malore, por që mund të shkaktojnë dëme në toka bujqësore, ekonomi familijare e biznesore, probleme me trafikun, sistemin e kanalizimeve, rrezik për rrëshqitje dheu etj. Institucionet emergjente, gjithsesi që duhet të jenë të gatshme që të ndihmojnë qytetarët aty ku paraqitet nevoja!”, ka thënë ai.