Në Rahovec filluan aktivitetet e të rinjve “Muaji i rinisë”, mbështetur nga Ministria e Kulturës, Rinisë dhe Sportit.
Aktivitetet ditore në Rahovec u mbajtën në parkun e qytetit që u organizuan nga Qendra Rinore “SHL-Kosova” dhe Drejtoria Komunale për Kulturë, Rini dhe Sport.
Gjatë tërë ditës të rinjtë e komunës së Rahovecit patën mundësi që të zhvillojnë një mori aktivitetesh kulturore, zbavitëse e sportive.
Në bashkëpunim me shkollat e mesme në Rahovec u organizuan gara në Streetball, ku morën pjesë disa ekipe të rinjsh.
Po ashtu pati lojëra në ping-pong, pikturim, shkrimi i muraleve me porosi për përfshirjen e të rinjve në jetën publike, këndim dhe aktivitete të tjera rinore.
Aktivitetet rinore kanë vazhduar gjatë gjithë ditës, deri në orët e vona të pasdites.