Hoxhaj i reagon Vuçiqit: Vizitën normale s’mund ta shesësh si gjendje lufte - Bota Sot
Hoxhaj i reagon Vuçiqit: Vizitën normale s’mund ta shesësh si gjendje lufte

Kosova

Hoxhaj i reagon Vuçiqit: Vizitën normale s’mund ta shesësh si gjendje lufte

Më: 29 shtator 2018 Në ora: 16:33
Enver Hoxhaj

Zëvendëskryeministri i Kosovës Enver Hoxhaj në një postim në Twitter ka deklaruar se nuk ka nevojë që Serbia të reagojë me alarme të rrejshme kur presidenti i Kosovës Hashim Thaçi e viziton liqenin e Ujmanit.

Hoxhaj tha se presidenti dhe secili qytetar tjetër i Kosovës mund ta vizitojnë secilën pjesë të vendit sa herë që dëshirojnë.

“Kur presidenti Thaçi viziton liqenin e bukur të Ujmanit dhe flet me qytetarët e Kosovës, s’ka nevojë për mbireagime të Serbisë përmes alarmeve të rrejshme. Presidenti dhe qytetarët mund ta vizitojnë secilën pjesë të Kosovës”, ka shkruar Hoxhaj, duke reaguar ndaj alarmit që Serbia shpërndau përmes mediave të kontrolluara nga presidenti serb, me qëllim për të krijuar trazira.

Presidenti i Kosovës Hashim Thaçi vizitoi sot liqenin e Ujmanit, në ditën e protestës kundër tij, të organizuar nga Vetëvendosje. Vizita e tij në Ujman ka shkaktuar reagime të ashpra.

Ndërkohë presidenti i Serbisë Aleksandër Vuçiq ka paralajmëruar dërgimin e një note proteste në NATO për shkak të vizitës së Thaçit në Ujman.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...