Në kuadër të realizimit të investimeve kapitale nëpër vendbanimet e Komunës së Malishevës, në fshatin Senik ka filluar rregullimi i gjashtë rrugëve, ku pesë prej tyre do të asfaltohen dhe njëra do të shtrohet me rërë.
Punimet në rregullimin e këtyre rrugëve i kanë parë nga afër nënkryetari i Komunës së Malishevës, Hajdin Berisha dhe drejtori komunal i urbanizmit, Islam Vrenezi.
Nënkryetari Berisha, tha se është ndarë i kënaqur me ecurinë dhe kualitetin e punimeve deri më tani, ku operatori është duke i përgatitur rrugët për asfaltimin e tyre.
Ai gjithashtu ka bërë të ditur, se këto rrugë, janë pjesë e planifikimeve komunale dhe kanë qenë kërkesa të banorëve të fshatit Senik.
Drejtori i Urbanizimit, Islam Vrenezi, ka njoftuar se janë duke u shtruar gjashtë rrugë në këtë fshat, ku pesë prej tyre do të asfaltohen ndërsa një rrugë tjetër, do të shtrohet vetëm me rërë, por që do të jetë më lehtë e qarkullueshme. Sipas tij, rregullimi i këtyre rrugëve mundësohet nga buxheti komunal i Malishevës.
