Klubi i Prodhuesve të Kosovës përkrah ndërtimin e një shtëpie në Suharekë

Kosova

Klubi i Prodhuesve të Kosovës përkrah ndërtimin e një shtëpie në Suharekë

Më: 1 tetor 2018 Në ora: 16:17
Klubi i Prodhuesve të Kosovës përkrah ndërtimin e një shtëpie në Suharekë

Anëtarët e Klubit të Prodhuesve të Kosovës kanë vënë gurthemelin e ndërtimit të shtëpisë për familjen Kabashi në Shirokë në komunën e Suharekës, e cila u bë e mundur pas aksionit për ndihmë pas vërshimeve të fundit në këtë komunë.

Pas thirrjes së kryetarit të Qendrës së Bizneseve të Therandës, Shaqir Palushi, për ndihmë familjeve te dëmtuara nga vërshimet, anëtaret e Klubit të Prodhuesve të Kosovës i janë përgjigjur pozitivisht këtij apeli.

Pas vënies së gurthemelit, kryetari i  Klubit të Prodhuesve, Blerim Devolli i ka falënderuar të gjithë anëtarët për këtë donacion dhe shprehu gatishmërinë që mbështesë edhe familje të tjera në nevojë. “Klubi i Prodhuesve ka si mision fuqizimin e ekonomisë vendore por në të njëjtën kohë fokus i Klubit është edhe edukimi dhe përmirësimi i mirëqenies së qytetarëve të vet.”

Ndërsa Shaqir Palushi, u shpreh që është i kënaqur me mobilizimin e anëtarëve të Klubit ndaj këtij apeli për ndihmë. “Ky mobilizim duhet të jetë shembull dhe prodhuesit tjerë duhet të jenë të gatshëm të ju dalin në ndihmë atyre që janë në nevojë.”

Kurse, Astrit Panxha, drejtori ekzekutiv i Klubit të Prodhuesve, tha se vllerat kryesore të Klubit të Prodhuesve janë në përmirësimin e gjendjes së prodhuesve të Kosovës, në përmirësimin e kushteve të të bërit biznes, rritjes së vlerës së produkteve kosovare, por gjithsesi edhe ngritjes së standardit të jetesës për qytetarët e këtij vendi.

commentFirst article
Sot mund të lexoni Shfletoni kopertinat