Përparim Sadiku kishte mbetur i varur dy orë në vinç gjatë kohës sa ishte duke punuar në ndërtimin e autostradës, “Arbën Xhaferi”, që lidh Prishtinën dhe Shkupin.
Në pamjet të cilat ka siguruar Insajderi shihet se si Përparim Sadiku zbret nga lartësia 45 metra. Ku pas intervenimit të një vinçi, një punëtori turk dhe një zjarrfikësi kishte zbritur me këmbë në tokë,
Përparim Sadiku ka rrëfyer momentet e qëndrimit të tij prej dy orësh në vinç. Ai ka thënë se Ai thotë se ka qenë i varur në një lartësi prej 45 metra ndërsa trari kishte peshuar 130 ton.
“Kam qenë mbi një trarë nga betoni i cili peshonte 130 tonë, e kam parë vdekjen me sy, kam kërkuar ndihmë, me pa mundësi për të më ndihmuar dhe nuk kam besuar që jam gjallë deri vonë”, ka rrëfyer Sadiku
Sadiku ka thënë se, “lëvizjen e trarit e ka bërë një turk, trarë ky që ka qenë i lidhur vetëm në një krah, pra njëra anë e trarit ka qenë e lidhur ndërsa tjetra jo, trari ka qenë 45 metra i gjatë dhe unë kam qenë mbi të”.
Mirëpo edhe pse njësitet emergjente kishin arritur në vendin e ngjarjes, nuk kishin arritur ta shpëtonin Sadikun, ai kishte vazhduar të qëndronte i varur në vinç.
“Zjarrfikësit kanë qenë, mirëpo nuk kanë bërë asgjë, lartësia 45 metra ishte e pamundur për të më mbërri, di vetëm të them se e kam parë vdekjen dhe nuk kisha mundësi për të bërë asgjë që ta shëptojë veten”, ka rrëfyer Sadiku.
Përveç Përparim Sadikut nga ky aksident në autostradën, “Arbën Xhaferi”, kanë mbetur të lënduar edhe pesë punëtorë të tjerë. Ky aksident ka ndodhur në pasditen e së shtunës. Me ç’rast Ministri i Infrastrukturës, Pal Lekaj, kishte kërkuar edhe bllokimin e përkohshëm të rrugës, “Kaçanik – Hani i Elezit”.
Ndërsa fillimisht Policia e Kosovës kishte njoftuar se kishin mbetur të lënduar gjashtë punëtorë të “Bechtel & Enka”, pasi është shkëputur një pjesë e vinçit.
“Është raportuar se në vendin e punimeve në autostradën Arbër Xhaferi, dyshohet se gjatë punës është shkëputur një pjesë e vinçit dhe si pasoj lëndime trupore kanë marr 6 persona të gjinisë mashkullore njëri prej tyre shtetas i Turqisë kurse të tjerët K/Shqiptar, të cilët kanë pranuar tretman mjekësor”, kishte njoftuar Policia.
Media ka raportuar për vdekjet e punëtorëve ku për pesë muaj kanë ndodhur 19 vdekje në vendin e punës të gjitha këto në sektorin e ndërtimtarë.
