Iniciativa për Zhvillimin e Bujqësisë së Kosovës, sot me të riatdhesuarit në Komunën e Malishevës, mbajti sesion informues për projektin “Përfshirja ekonomike e të riatdhesuarve përmes bujqësisë në zonat rurale dhe ngritja e kapaciteteve përmes trajnimeve profesionale”, që do të zbatohet në pesë komunat e Kosovës, përfshirë edhe Malishevën.
Qëllimi i projektit është gjenerimi i të ardhurave dhe trajnimi i të rikthyerve dhe familjeve në zonat rurale përmes shpërndarjes së granteve në formë të të mirave materiale, sikurse janë serra, pajisje me mekanizëm bujqësorë, perimtari, pemë, të bazuara në kërkesat e aplikuesve.
Përfitues të këtyre granteve do të jenë 105 fermerë, ndërsa përparësi kanë grupet e margjinalizuara të interesuar në sektorin e bujqësisë.
Të pranishmit në fund shtruan pyetje për projektin në fjalë, ku u përgjigjen përfaqësuesit e IADK-së.