Kërkohet më shumë cilësi në përgatitjen e juristëve për tregun e punës - Bota Sot
Kërkohet më shumë cilësi në përgatitjen e juristëve për tregun e punës

Kosova

Kërkohet më shumë cilësi në përgatitjen e juristëve për tregun e punës

Më: 5 dhjetor 2018 Në ora: 17:14
Abelard Tahiri

Ministri i Drejtësisë, Abelard Tahiri, ka pritur sot në takim rektorët e universiteteve dhe të kolegjeve të Kosovës, me të cilët ka diskutuar për nevojën e modernizimit të kurrikulave në përgatitjen e juristëve për nevojat e tregut të punës.

Ai me këtë rast ka kërkuar përmirësimin e cilësisë së mësimit praktik dhe mësimdhënies e mësim-nxënies aplikative në fushën juridike përmes qasjes teorike dhe praktike të mësimit, si dhe vlerësimin e nevojave të tregut të punës, në rishikimin e programeve studimore, me theks në shkathtësi dhe kompetenca, me qëllim të modernizimit të kurrikulave për përgatitje të juristëve.

“Adresimi i këtyre sfidave, tejkalon përgjegjësitë e një institucioni të vetëm andaj është e rëndësishme të vazhdohet dhe zgjerohet puna dhe bashkëpunimi ndër-institucional për promovimin e politikave që orientojnë dhe stimulojnë studentët e fushës së drejtësisë të përvetësojnë shkathtësitë e nevojshme të tregut të punës” ka thënë ministri Tahiri.

Ai ka kërkuar që propozimet e programeve të reja mësimore, para se të dërgohen në Agjencinë e Kosovës për Akreditim, të përfshijnë edhe konsultimin me institucionet e sektorit të sundimit të ligjit dhe punëdhënës tjerë potencialë, në mënyrë që të bëhet harmonizimi me nevojat e tregut të punës.

Në këtë kontekst, ministri Tahiri ka theksuar rëndësinë e nënshkrimit të marrëveshjeve të bashkëpunimit për ofrimin e praktikës profesionale për studentë në të gjitha institucionet dhe punëdhënësit tjerë potencial, por ka kërkuar edhe ndërtimin e qendrave apo klinikave juridike, që do të mundësojnë dije praktike edhe brenda vetë institucioneve arsimore. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...