Një grabitje e re ka ndodhur në Deçan vetëm pak kohë pasi policia bëri me dije se u në këtë zonë u kap një grup prej 6 vetash.
Gjashtë grabitës u kapën brenda një jave në rajonin e Deçanit por ka ende të tjerë të lirë për të kryer këso vepra kriminale në këtë zonë.
Dy prej tyre me armë e maska kanë marrë para në një Agjencion e ngjarja më së miri ilustrohet nga kamerat e sigurisë.
Sipas pronarit hajnat morën një shumë të konsiderueshme parash.
E dikush që i pa hajnat po ankohet se policia që ke pak metra nga këtu nuk erdhi me kohë.
Kohët e fundit shtëpitë e bizneset e Deçanit kanë qenë pre e hajnave më shumë se kurdoherë.
E vetë pronari i biznesit thotë se javë më parë hajnat i hynë edhe në shtëpi.
Shton se autoritetet duhet të bëjnë më shumë për parandalimin e grabitjeve.
