Me detin u përqafova

Kultura

Me detin u përqafova

Nga: Zymer Mehani Më: 25 korrik 2021 Në ora: 07:29
Zymer Mehani

Me detin kaltërosh u përqafova

U puthëm me valë e stërkalë

Me zemër më priti si gjithmonë

I atdheut tim -shpirt margaritar.

 

Me të gjerin det ne u rrokëm ngrykë

Si mërgimtari me të tijën nënë

Zemër e shpirt  vërtet ç'm'u shkrinë

Më besoni, vëllezër, pasha diell e hënë.

 

Në valët e bardha të detit të paanë

Shtrihem lirshëm si n'timen shtëpi

Nuk ka askund në botë anembanë

Është vetë xhevahiri përplot mrekulli.

Shfaq komentet
comments powered by Disqus
Sot mund të lexoni Shfletoni kopertinat