Burrë i vogël vizionar,
O burr’ i bukur serbes,
Blet’ e mbushur me nektar
M’u fut në gji kët’ mëngjes.
Dhe më thotë dy fjalë ëmbël,
Tek zukat zu-zu-zu …
Shend e gaz si në ëndërr,
Fluturon tutje-tëhu:
Mares Habaz kapedani
Mbush dy vjeç e u bë burrë,
O ju zogj këngën ma mbani,
Për nipin buron si gurrë.
Është bërë i mirë shumë,
Çun si yll, për kokë të çunit.
Po sa shumë e dua unë
Mjaltin në ëndrrat e gjumit,
Trëndafilin e mëngjesit
Dhe Dielltarin e ditës
Kam me imazh të Maresit
Sikur jam në krah të dritës.
Nga Vlora për në Tiranë
Mbërrij sa hap e mbyll sytë,
Pak larg jemi, po sa pranë
Me nipin, që s’ka të dytë.
E do të zgjuar - e ke
Të jep ujë në shoshë…,
Të shikon edhe të njeh,
Pa të ngop me lugën bosh …
Kur i mungon - të kërkon,
Gugat si pëllumb dhe qesh
Mjalt’ i mjaltit të shëron,
Të bën globin që ta ngresh.
E ngre në sup dhe përpara
Eci sikur ngre një pëndë.
Thon’: “Nën dardhë bie dardha”
O pinjoll nga der’ e rëndë.
Ndodh që s’gjen dot fjalë njeriu
Për këto çaste të shtrenjta,
Si fllad i freskët veriu
Dhe si ëngjëll i vjen bleta …
Vlorë - Tiranë, e shtunë 3 Tetor 2021
