Janë hoje mjalti për nektar shpirti
Janë filiza në lulishten e jetës.
Janë harku i diellit me ngjyra gëzimi.
Janë drita e dritës për sytë e qiellit
Janë gazi me i ëmbël prindëror
Janë engjëj dhe dhurata e perëndisë.
Janë drita e syve të nënës në horizont
Që gjumin e bukur ia fal fëmijërisë
Janë shpresa më e çmuar e atdheut të shenjtë
Janë dashuria e prindërve pa kufi.
Janë gëzimi, bardhësia e kopshtit me shpresë.
Janë rreze dielli mbi flokët e hënës në qetësi.
Janë djepi i ninullës më të ëmbëltuar.
Krenaria e prindërve në të gjatin rrugëtim
Janë më të bekuarit e prindërve të malluar
Nëpër shkallët e jetës në ndërtim.
