Miralan,
borxh të jemi dhe sot si dje,
që ta themi dhe publikisht,
Kolos ishe, Hero je,
Burrë i Kombit, krejt shqipnisht!
Të tha Ibra, Presidenti,
kur në shesh po përjetësoheshe:
"Salihu, ky burrë në traditë vèndi"!
E ti n´vlerë sa mund shtoheshe!
Dhe nuk ka si bëhet ndryshe
o i miri intelektual,
vetë emri yt, pa mëdyshje,
aq shumë Nder Atdheut i falë!
Në jetë pata Privilegj,
që të isha bashkëveprimtar,
kur kjè më shumë se Sakrilegj,
të ecje drejt n´binarë kombëtar!
Burrat si ti kanë sall ditëlindje,
janë t´pavdekshëm, gjithsesi,
Historia na dha stërbindje,
të rrallë janë kolosët si Ti, Sali!
Fjalën pushkë e zërin top,
mendjen e ndritun, urti n´gjykim,
si s´të joshi asgjë në Botë,
sa njái Dhè i Truallit Sublim?!
Kjoftë bekue trualli që t´rriti,
qoftë bekue dhe Bellèja jote,
dhe Kosharja që n´shkëmb ju ngjiti,
Fanarë Drite n´shekuj e mote!
...
22 Qershor 2022
